PGIN, nangipaay ti financial assistance kadagiti 762 a Senior Citizen iti ili a Paoay

Umabot iti 762 a senior citizen manipud kadagiti 12 a barangay iti ili a Paoay ti immawat ti  financial assistance manipud iti gobierno probinsial.  

Ni Gobernador Matthew J. Marcos Manotoc ti mismo a nangibunong iti nasao a tulong. PHP3000 pisos a social pension ti inawat iti tunggal maysa a naisayangkat iti Paoay Civic Center.

Dagiti benepisiario ket naggapu manipud iti  Barangay Nagbacalan,  Sungadan, Waig Upay, Nanggoyudan, Mumulaan, Monte , Callaguip,  Surgui,  Suba, Pasil, ken dua pay a barangay iti ili a Paoay.

Nagyamanan met ti gobernador dagiti senior citizens iti Paoay gapu ti nagbalin a kontribusion da iti kagimongan.

Dinakamat  pay a nagyamanan ni Gobernador  Marcos Manotoc ni DSWD Secretary Rex Gathalian gapu ta adda ti nasao a programa a makatulong kadagiti senior citizen.

Saan laeng  dagiti taga Paoay ti mabunongan iti social pension gapu ta amin nga ili ket pagturongan ti gobernador.

Mangnamnama ti gobernador nga ad-adun to pay a financial assistance ti maipaay kadagiti natataengan.

Saan a linged a dagiti senior citizen iti maibilang  a teddek ti kagimongan a nasken a maipaayan iti tulong ken importansia kas panangipateg metten kadakuada.