Ilocos Norte, makalikagum nga agtalinaed a “renewable energy capital” iti Southeast Asia

Nagatendar ti Provincial Government of Ilocos Norte (PGIN), babaen iti Ilocos Norte Trade and Investment Promotions Office (INVEST), iti “forum” a napauloan ti “Powering Progress: National and Local Government Synergy in Renewable Energy Investment Facilitation” a naisayangkat iti Royale Palm Resort Hotel and Business Center, Northern Samar.

Ditoy nga impadanon iti INVEST ti kalikagum ti PGIN a pagtalinaeden ti Ilocos Norte a “Renewable Energy Capital” iti Southeast Asia.

Naorganisar ti nasao nga aktibidad babaen iti Provincial Government of Northern Samar iti pannakitinnulong ti World Bank Group, Philippine Board of Investments (BOI), Galing Pook, ken Australian Aid.

Naawis pay dagiti sumagmamano a kangrunaan a lider iti gobierno ken industria a nangilawlawag kadagiti istratehia para iti pannakaitandudu ti “sustainable energy investment” iti intero a pagilian.

Inlawlawag ti INVEST dagiti “innovative policies,” “investor-friendly environment” ken “strategic governance” ti PGIN a nangitunda iti pannakabigbig ti probinsia a “hub for clean energy projects.”

Kangrunaan a dinakamatda ti iCARE Desk (Investors’ Centralized Application and Requirement Evaluation Desk) a nakatulong iti pannakaiyalisto dagiti “renewable energy investment” pakairamananan ti panagbalinen a paset ti “investment promotion framework” iti programa ti probinsia a mangipasigurado iti agtultuloy a suporta kadagiti investor.

Iti agdama, umab-aboten iti 625 MW ti mapatpataud ti Ilocos Norte nga elektrisidad manipud iti “wind power plant,” “solar power plant” ken “hydro power plant.”

Nagtalinaed ti kalikagum ti PGIN iti liderato ni Gob. Matthew Marcos Manotoc a mangipadur-as iti ekonomia ken “innovations” ditoy probinsia.