Mercato ni Nanay Ces mapadpadaanan

Adun dagiti mangpadpadaan iti “Mercato ni Nanay Ces” a maangay iti parking area iti Ilocos Norte Centennial Arena intuno Marso 21 ken Marso 22 iti daytoy a tawen.

Ti “Mercato ni Nanay Ces” ket programa nga inyuswatni Bise Gobernador Cecilia Araneta-Marcos a mangited gundaway kadagiti babassit a negosyante ditoy probinsya a mangilako kadagiti produktoda.

Segun kenni Araneta-Marcos, daytoyen iti maudi a pannakaisayangkat ti programa iti babaen ti liderato na a kas bise gobernadora.

Maangay daytoy manipud alas otso ti bigat agingga iti alas 10 ti rabii. 

Innayunna nga ikalukagumna a pagbalinen daytoy a kadakkelan a panakaisayangkat iti Mercato ni Nanay Ces.

Mapalagip nga inyiswat ti bise gobernadora ti “Mercato ni Nanay Ces” kabayatan iti COVID-19 pandemic tapno maikkan ti pamastrekan dagiti local entrepreneurs.

Inlawlawagni Araneta-Marccos nga adda pay maiyuswata a Coastal Clean-up ken Mangrove Planting diay Maglaoi Sur, Currimao, intuno Marso 21 ken Fun Run intuno Marso 22.