Gob. Marcos Manotoc, binisita na iti Vintar District Hospital

Personal a binisita ni Gobernador Mathew Marcos Manotoc iti Vintar District Hospital.

Kangrunaan a gagem iti panagpasiar ti Gobernador iti nasao a balay pag-agasan tapno kitaen na iti pagdurdur-asan ti ospital ken dagiti fasilidadna.

Mainaig pay laeng daytoy iti agtultuloy a pannakapapintas iti health care services kadagiti umili kangrunaanna kadagiti taga Vintar.

Maipalagip a sipud napabaro ken napapintas iti operasion  ti balay pag-agasan ket silulukat daytoyen iti 24 nga oras iti siasinno man a makasapul iti serbisio.

Kuna ti Gobernador a daytoy ket tapno maipasigurado kadagiti umili iti pannakaipaay iti napateg a “medical care” kangrunaan na kadagiti maiserserrek a pasiente saan laeng  nga iti ili a Vintar ngem ketdi iti intero a probinsia.