Umuna a pannakaipatungpal ti juris doctor scholarship program ti PGIN, saan a makumpleto ti puntiria a maala a bilang dagiti iskolar

Puntiria a maala nga agbalin a “juris doctor scholar” ti gobierno probinsial ti Ilocos Norte wenno PGIN ti sangapulo ket innem (16) nga iskolar iti kada school year.

Inbunannagni Dr. Daquioag a siyam (9) dagiti napili nga estudyante para iti nasao a programa.

Segun kenkuana, kumpleto nga uppat (4) iti first year, uppat (4) iti second year ken maysa (1) iti third year. 

Immun-una ngem iti daytoy, inpakaammo ni Atty. Saul Paolo Lazo, chairman ti Committee on Education ti Sangguniang Panlalawigan nga uppat (4) ti maala nga iskolar iti kada year level.

Inlawlawagni Atty. Lazo a ti stipend a maawat dagiti maseknan ket agdipende iti “year level” dagitoy.

Nupay kasta, impalgakna a maipaayan dagitoy ti P 50,000.00 a matrikula ken P 5,000.00 a binulan nga stipend iti uneg ti sangapulo (10) a bulan ken adda maipaay a “miscellaneous fee” kadagiti adda iti 4th year.

Maipalagip nga inrakurak ni Atty. Lazo nga umabot iti maysa punto walo a milyon a pisos ti mailatang a pundo para iti nasao nga scholarship program ti PGIN iti tinawen iti tulong ni Gob. Matthew Marcos Manotoc.